БИШКЕК, 5-фев. — Sputnik. Кышкы Олимпиада-2018 иш чарасынын расмий ачылышында Кыргызстандын желегин биатлончу Тариэль Жаркымбаев көтөрүп чыгат. Бул тууралуу КРдин Жаштар иши, дене тарбия жана спорт мамлекеттик агенттигинен билдиришти.
Кышкы Олимпиаданын ачылышы 9-февралда Түштүк Кореянын Пхенчхан шаарында өтөт. Бул мелдеште Кыргызстандын намысын тоо лыжачы Евгений Тимофеев менен биатлончу Тариэль Жаркымбаев коргойт. Тимофеев 18чи жана 22-февралда мелдештерге катышса, Жаркымбаев 13-февралда күч сынашат.
Жаркымбаев 2017-жылы Астана шаарында өткөн бүткүл дүйнөлүк кышкы универсиадада дагы өлкөнүн желегин көтөрүп чыккан болчу.
Пхенчхандагы кышкы олимпиада оюндары 9-25-февралда өтүп, жалпысынан 11 комплект медаль ойнотулат.
Түштүк Кореяда өтө турган кышкы Олимпиадага катышчу кыргызстандык спортчулар эмне үчүн тийиштүү деңгээлде даярдана албай калышканын Sputnik Кыргызстан агенттигинин материалынан окуңуздар.