БИШКЕК, 3-фев. — Sputnik. Бүткүл дүйнөлүк күрөш федерациясы (UWW) январь айына карата балбандардын жаңы тизмесин жарыялады.
Тизме январь айында өткөрүлгөн Yariugin Grand Prix жана Takhti Cup турнирлеринин жыйынтыгынын негизинде чыгарылды.
Анда 60 килограмм салмак ченинде Каныбек Жолчубеков биринчи, ушул эле категорияда Рустам Тейишов алтынчы орунда турат. Ал эми 63 килограмм салмакта Калы Сулайманов биринчи, ушул эле категорияда Урмат Аматов төртүнчү орунда көрсөтүлгөн. Дагы бир балбан Самат Шырдаков 87 килограмм салмактагылар арасында бештикке кирген.
Мындай көрсөткүчкө жетүү үчүн балбандар Иранда өткөн турнирде өз салмак ченинде жетиштүү упай топтоп жетишти.