БИШКЕК, 3-фев. — Sputnik. Бүгүн, 3-февралда, эртең мененки саат 9.44тө Чүй облусунун аймагында күчү 3,5 баллга жеткен жер титирөө каттталды. Бул туурасында ӨКМдин маалымат кызматы Сейсмология станциясына шилтеме берүү менен билдирди.
Жер титирөөнүн очогу Пригородное айылынан 13 чакырым түштүк-батышта, Арпа-Тектир айылынан 16 чакырым түштүк-чыгышта, Токмок шаарынан 38 чакырым түштүктө жана Бишкек шаарынан 70 чакырым түштүк-чыгышта жайгашкан.
Силкинүүнүн күчү Пригородное айылында 3 балл, Арпа-Тектир, Кегети, Кошой, Карагул жана Чоң-Жар айылдарында 2,5 баллга жеткени айтылат.
Алдын ала маалыматтар боюнча жабыркагандар жана кыйроолор катталган жок.