АЛМАТЫ, 2-фев. — Sputnik. Премьер-министр Сапар Исаков Алматы шаарында өтүп жаткан Евразиялык өкмөттөр аралык кеңештин жыйынына жана "Глобализация доорунда санариптик чакыруу" форумуна катышууда.
Өкмөт башчылар тар чөйрөдө жана кеңейтилген форматта жолугушат. Өкмөт башчылары интеграциялык биригүүнү өнүктүрүү маселесин жана анын нормативдик-укуктук базасын жакшыртууну талкуулашат. Ошондой эле күн тартибине трансчек аралык рыноктогу атаандаштыктын эрежелери, агроөнөр жай комплекси тармагындагы кызматташуу маселелери бар. Андан сырткары, уюмга мүчө мамлекеттердеги макроэкономикалык абалга жана өз ара сооданын абалына анализ жасоо пландалган.
Аталган жыйындын алкагында Сапар Исаков Россиянын премьер-министри Дмитрий Медведев менен жолугушуусу пландалган.
Алматыдагы жыйындын соңунда бир катар документтерге кол коюлат.