БИШКЕК, 23-янв. — Sputnik. Бириккен улуттар уюмунун Балдар фондусу кыргызстандык жана чет элдик жаштардын дүйнө балдарынын жашоосун жакшыртууга багытталган блокчейн технологиясын колдонгон стартап-долбоорлорун кабыл алууну баштады. Бул тууралуу ЮНИСЕФтин Кыргызстандагы өкүлчүлүгү тараткан маалыматта айтылат.
Стартап долбоорлорго 50 миңден 90 миң долларга чейин каражат бөлүнөт. Кыргызстандан жана башка мамлекеттерден арыздар 28-февралга чейин кабыл алынат.
Мындай демилгени ЮНИСЕФтин инновациялык фондусу демилгелеген.
"Стартаптардын бардыгы эле ийгиликтүү болуп кетет дегенден алысмын. Ошентсе да алардын айрымдары балдардын жашоосун жакшыртууга жардам берет деп ишенем", — деди ЮНИСЕФтин Инновациялык фондусунун башчысы Кристофер Фабиан.
Арызды тапшырар алдында долбооруңуз ЮНИСЕФтин сайтында көрсөтүлгөн талаптарга жооп берер-бербесин бир текшерип алыңыз. Андан кийин бул шилтемени басыңыз.
Кыргызстандык жаштар жөнүндө 10 фактыны Sputnik Кыргызстан материалынан окуңуздар>>