Интернет айдыңында иттин жээкте 3,5 метрлик крокодил менен беттешип, аны сууга киргизе кууган видеосу пайда болду. Бул YouTube каналына жайгаштырылган.
Видеонун авторунун айтымында, бул окуя Австралиянын Гот аралында 2017-жылдын 23-декабрында болгон.
Ал аралдын ээсине конокко келип, Кейси деп аталган крокодил менен иттин кармашына күбө болгон.
Аралдын ээси ити менен сейилге чыкканда крокодилдин атын айтып кыйкырып чакырган. Суудан чыгып келген жырткыч ага жем катары ыргытылган тирүү балапанды "шап" илип кеткен.
Бул көрүнүштү ит кожоюнуна келген коркунуч катары кабылдап, крокодилдин куйругун тиштеп, сууга киргизе кууган.