БИШКЕК, 13-янв. — Sputnik. Кыргызстанга Россиядан UFC көзүрү Хабиб Нурмагомедов келе турганын Sputnik Кыргызстан агенттигине Улуттук олимпиада комитетинин (УОК) башкы катчысы Саламат Эргешов билдирди.
Спортчу Бишкекке 24-январда УОК президенти Шаршенбек Абдыкеримовдун чакыруусу менен келмекчи.
Сапарынын алкагында Нурмагомедов күйөрмандары жана ЖМК өкүлдөрү менен жолугат.
Хабиб Нурмагомедов — UFC уюмунун жеңил салмактагы мушкери. Аталган уюмдун рейтингинде мыкты 30 мушкердин катарында турат.