БИШКЕК, 11-янв. — Sputnik. Борбор калаанын 72 көчөсүнө заманбап чырактар коюла турганын мэриянын маалымат кызматы билдирди.
Ага ылайык, быйылкы жылдын биринчи жана экинчи кварталында Бишкек шаарындагы калктуу конуштар менен кичи райондордун 72 көчөсүнө 4 миң заманбап чырак орнотулат. Андан сырткары, "Бишкек шаарынын жолдорун жакшыртуу" программасынын алкагында 18 көчөнүн жарыктандыруусу толук оңдоодон өтөт.
Кайсы көчөлөргө заманбап чырактар коюларын мэриянын расмий сайтынан билсеңиз болот.