БИШКЕК, 9-янв. — Sputnik. Сахара чөлүнө кайрадан кар түшкөнүн америкалык CBS News телеканалы кабарлады.
Маалыматка караганда, кар жекшемби күнү эртең менен Алжирдин Айн-Сефра шаарына түшкөн. Бирок кечке жуук эле эрий баштаган.
Кар баскан чөлдү Карим Бушетат аттуу фотограф тартып алган. Кийин сүрөт интернет айдыңына тараган.
Африканын чөлүнө акыркы жолу 1979-жылдан бери биринчи жолу 2016-жылы кар жааган болчу.