БИШКЕК, 6-янв. — Sputnik. Жекшемби күнү Чүй, Талас, Ош, Жалал-Абад, Баткен облустарынын айрым жерлеринде туман түшө турганын Кыргызгидромет билдирди.
Маалыматка ылайык, жаан-чачын күтүлбөйт. Батыштан соккон шамалдын ылдамдыгы секундасына 2-7 метрге чейин жетет.
Чүй, Талас өрөөндөрүндө, Ош, Жалал-Абад жана Баткен облустарында 2…7 градус жылуу болот. Ысык-Көлдө күндүн табы 1…6 градуска чейин көтөрүлсө, Нарында 4…9 градус суук болору айтылды.
Бишкек шаарында 3…5, ал эми Ош калаасында 5…7 градус жылуу болот.