БИШКЕК, 12-июл. — Sputnik. Британ монархтарынын (азыркы королева Елизавета экинчинин резиденциясы) Лондондогу расмий резиденциясы Букингем сарайына жылына 16,755 фунт стерлинг (болжол менен 1 миллион 457 миң 685 сом. Улуттук банктын курсу боюнча 1 стерлингдин баасы 87 сом) төлөнө турчу идиш-аяк жууган кызматкер изделүүдө. Мындай билдирүү theroyalhousehold сайтында жарыяланды.
Жарыяга ылайык, тандала турчу талапкерге айлыгынан тышкары бекер жашай турган жай да берилет.
Талапкерлер идиш-аяк жуугандан сырткары тамак-аш бышырганга да жардамдашып, кол кабыш кыла калышы керек экен.Эгер тамак-ашты туура берип жана тейлөө боюнча тажрыйбасы жок болсо, атайын окуулар уюштурула турганы жарыяда жазылат.
Жумуш издегендер өз арыздарын 20-июлга чейин жиберсе болот.
