Эрдоган: Стамбулдагы терактыга Кыргызстандан чыккандардын тиешеси бар

© REUTERS / Presidential Palace/HandoutТүркиянын президенти Режеп Тайип Эрдоган . Архив
Түркиянын президенти Режеп Тайип Эрдоган . Архив - Sputnik Кыргызстан
Жазылуу
Буга чейин Ататүрк аэропортундагы жардырууга үч кыргызстандык жарандын тийштиги бар экендиги айтылган. Андан кийин Түркиянын Ички иштер министрлиги менен Кыргызстандын Тышкы иштер министрлиги бул маалыматты четке кагып, бирок ошол эле убакта үчүнчү террорчунун аты-жөнү такталып жаткан.

БИШКЕК, 5-июл. — Sputnik. Түркиянын президенти Режеп Тайип Эрдоган шейшемби күнү Стамбул шаарындагы аэропорттогу терактыга Кыргызстан, Дагестан жана Тажикстан жарандарынын тийиштиги бар экенин жар салды. Бул тууралуу РИА Новости жазып чыкты.

Буга чейин "Ататүрктөгү" жардырууга Кыргызстандан барган үч кишинин тиешелүүлүгү тууралуу айтылган. Түркиянын Ички иштер министрлиги менен Кыргызстандын Тышкы иштер министрлиги бул маалыматты четке кагып, бирок ошол эле убакта үчүнчү террорчунун аты-жөнү такталып жаткан.

Түркия лидери терактыга байланыштуу 30 киши кармалганын айтып берди.

"Бул адамдар аркылуу маанилүү жана так бир жыйынтыктарга келе алабыз. Баарыңар көрүп тургандай бул Кыргызстан, Дагестан жана Тажикстандан чыккандар. Тилекке каршы, бул ишке коңшу мамлекеттердин да тийиштиги бар", — деди президент.

Стамбулдагы Ататүрк аэропорту. Архив - Sputnik Кыргызстан
Стамбулда террордук топтун мүчөсү деп шектелген кишиден КР паспорту чыкты
Эрдоган теракт "Ислам мамлекети" террористтик тобу тарабынан уюштурулганын кошумчалады. 

Азырынча мындай билдирүүгө Кыргызстандын Тышкы иштер министрлиги эч кандай түшүндүрмө бере элек.

Эскерте кетсек, 28-июнь күнү Ататүрк атындагы аэропорттун эл аралык терминалында үч ирет жардыруу болуп, 44 адам набыт кеткен. Анын 19у чет элдик жаран болгон. Дагы 239 кишинин жарадар болгону маалымдалган. 

КР жарандары террорист деп аталган беш учурду Sputnik Кыргызстандын төмөнкү топтомунан окуңуз>>

Жаңылыктар түрмөгү
0