БИШКЕК, 14-янв. — Sputnik. Түркиянын түштүк-чыгышында унаанын жарылуусунан каза болгондордун саны бешке жеткенин Британиянын Би-Би-Си каналына таянуу менен РИА Новости билдирди.
Жардыруучу заттарга жык толгон унаа өлкөнүн түштүк-чыгышында жайгашкан Диярбакыр провинциясынданы полиция бөлүмүнүн жанынан жардырылган. Жергиликтүү маалымат каражаттарынын билдирүүсү боюнча, түзүлүш полиция бөлүмүнүн имаратына кире бериш жерден иштетилген. Мындан жай тургундардын турак жайлары да жабыркаганы айтылууда.
Азырынча жардыруу жоопкерчилигин эч ким моюндай элек. Түрк бийлиги өлкөдө тыюу салынган Күрдстандын Жумушчу партиясынын согушкерлери күнөөлөп жатат.
Бул апта ичиндеги экинчи ирет болгон жардыруу болуп саналат. Шейшемби күнү эртең менен Стамбулдун чок ортосунда жайгашкан Султан Ахмед аянтында ири жардыруу болуп, Германиядан келген 10 турист көз жумган. Дагы 17 адамдын жабыркаганы белгилүү болгон.
