БИШКЕК, 22-янв. — Sputnik. АКШнын айрым штаттарында калың жааган кардан улам беш киши каза болгонун NBC News телеканалына таянуу менен РИА Новости билдирди.
Маалыматка ылайык, адамдар бир катар жол кырсыгынан мерт кеткен.
"Учурда беш киши катуу шамалдан каза болду. Бурганактан улам Виргиния, Түндүк Каролина, Теннеси жана Арканзас штаттарын ири жол кырсыктары катталган", — деди канал.
Кечээ АКШнын борбору Вашингтон, анын менен чектешкен Виргиния жана Мэриленд штатында катуу циклондун жакындап келе жатканын улам өзгөчө кырдаал жарыялаган. Америкалык маалымат каражаттары шамал менен коштолгон карды "кылымдын бурганагы" деп атады. Кийинчерээк өзгөчө кырдаал Пенсильвания жана Жоржия штатынын айрым аймактарында жарыяланган. АКШнын авиакомпаниялары жума күнү миңдеген авикаттамдарды токтотууга мажбур болушкан.
Божомолдорго ылайык, айрым райондордо калыңдыгы 60 сантиметрге жеткен кар жаай турганы айтылууда. Катуу шамал, мөндүр аралаш жаан-чачын бактардын кулашына, электр линияларынын кулашына алып келип, коомдук унаанын жүрүшүнө тоскоолдук жаратышы ыктымал.
