БИШКЕК, 22-янв. — Sputnik. Америкалык авиакомпаниялар жума катуу жаай турган кардан улам миңдеген авиакаттамдарды токтотууга мажбур болду.
Алсак, United авиакомпаниясы АКШнын ортоатлантикалык аймагында саат 16.00дөн баштап бардык учууларды токтотконун жар салды. Башка компаниялар да ушундай эле аракеттерге барышы мүмкүндүгү айтылууда. Ондогон аэропорттор каттамдардын токтотулушу ыктымал экендигин эскертип жатышат.
Жума жана ишемби күндөрү АКШнын Атлантика жээгинде калың кар түшүп, айрым жерлерде анын 60 сантиметрге чейин жетүүсү мүмкүн. Бул 1922-жылдан берки жаңы рекорд болмокчу. Кар баарынан көп Вашингтон, Нью-Йорк, Филадельфия, Балтимор жана Шарлотт шаарларына жаашы күтүлүүдө.
