БИШКЕК, 4-дек. — Sputnik. Афганистандагы "Талибан" радикалдуу кыймылынын жаңы лидери Мансур молдо шаршемби күнкү атышуу учурунда алган жарааттарынан улам каза болгонун Синьхуа агенттигине таянуу менен РИА Новости жазып чыкты.
Буга чейин талибдердин лидери оор жарадар болуп, бирок аман калганы айтылган.
"Мансур топтун башка командитрлери менен атышуудан кийин оор жарадар болгон", — деген афган бийлигинин сөзүн келтирет агенттик.
Кыймылдын өзүндөгү булактар Мансур молдонун жарадар болгонун тастыктап, талибдердин талаа командири жана Американын Гуантанамо абагында кармалып келген Абдулла Сархадинин Кветта шаарындагы үйүндө атышуу болгонун кошумчалады.
Июль айынын аягында "Талибан" расмий түрдө топтун лидери Омар молдонун өлгөнүн жарыялап, мындан улам анын ордуна орун басары Ахтар Мохаммад Мансур дайындалган. Ошол эле маалда Мансурду жетекчи катары таануудан баш тарткан командирлер бар экени да маалымдалган.
