Эскерте кетсек, жай айларында соцтармакта Ош облусундагы болжол менен Кара-Суу базарында картондун үстүндө уктап жаткан баланын сүрөтү талкууга алынган. Кийинчерээк баланын аты Ихсак экени, апасы Зульфия Усенованын төрт баласы бар экени аныкталган. Мындан сырткары, үй-бүлөнүн жашаган жери жана документтери жок болуп чыккан.
Баланын энеси Зульфия Усенова журналисттер менен президентке ыраазычылыгын билдирди.
"Биринчиден журналисттерге, экинчиден президентке балдарымдын жана өзүмдүн атымдан чоң рахматымды айтам", — деди Усенова.
Учурда үй-бүлө жаңы өргөдө күн кечире баштады. Берилген батир Искак менен анын үч бир тууганынын атына жазылган. Алар 18 жашка толгончо мамлекет балдардын укугу менен мүлкүн өз коргоосуна алмай болду.
