Окуя 21-октябрда саат 13.40та болгон.
Видеодо 10 кыз бири-бири менен урушуп жатканы көрүнүп турат. Андан соң бирөөсү экинчисин чачтан алып, тепкилөөгө аракет кылат. Кыздарды ажыратып калышкан.
Ошол эле күнү Биринчи Май РИИБне сабалган окуучу кыздын ата-энесинен арыз түшкөн. Анда шаардагы жогорку окуу жайда окуган төрт студент кыз 16 жаштагы кызды уруп салганы, буга кызганыч себеп болгону айтылган.
Милициянын маалыматында жабыркаган кызды Эркиндик проспектисинен ой-боюна койбой Lexus LX 470 унаасына салып, Бөкөнбаев көчөсү менен Манас проспектисинин кесилишине алып кеткени, кызды "башка, ичке, бөйрөк тушка урганы" белгиленет.
Камерага окуучу кыздын студенттер тарабынан сабалган окуядан башка мушташ тартылып калышы мүмкүн.
