14:30 07 Бештин айы 2016
Түз эфир
Видео

Ника Жолдошева: "Оскарга" ат салышуу үчүн бизге АКШга ачылган виза керек

Кыскача шилтеме алуу
"Атанын керээзи" — өмүр, өлүм жана туулган жер жөнүндөгү тасма (24)
79 0 0
(1:10 / 7.58Mb / )
© Sputnik / Эмиль Садыров

"Атанын керээзи" америкалык эки ири сыйлык — "Оскар" жана "Алтын глобус" үчүн ат салышат. Анткен менен аны тарткан топко америкалык визаны берүүдөн баш тартылды.

Бул жагдай картинанын эл аралык аренадагы мүмкүнчүлүгүнө кандай таасир этери туурасында анын ассоциативдүү продюсери Ника Жолдошева Sputnik Кыргызстан мультимедиалык борбордо өткөн маалымат жыйында айтты.

Эскерте кетсек, аталган тасма "Оскар" сыйлыгынын узун тизмесине "Чет тилдеги мыкты тасма" номинация менен киргизилген. Мындан сырткары "Алтын глобуска" да ат салышуу ниетинде турат. 

Анткен менен Ника Жолдошеванын айтымында, картинанын жеңишке болгон мүмкүнчүлүгүн төмөндөткөн көйгөйлөр пайда болду

"Учурда тасманы "Оскар" жана "Алтын глобус" сыйлыктары үчүн ат салышуу үчүн алып барууга аракеттенип жатабыз. Бирок биздин топ виза алалбай жатат. Бул ишти кыйла кыйындатууда. Кыргызстанда туруп алып, башка өлкөдө картинаны алдыга жылдырууга мүмкүн эмес. Биз бул маселени чече ала турган тараптардан көмөк көрсөтүүнү суранабыз", — деди Жолдошева. 

Продюсер АКШга бир катар кесиптештери кеткендигин, бирок алар "жетишсиз" экендигин айтты.

"Ал жакта тасманы кантип тарткандыгын айтып берген режиссерлор, андан сырткары аны жарнама кылып, басылмаларда маек уюштуруп, коомчулукка тарата турган продюсерлер пиар иштерин жасашы керек эле", — деп кошумчалады ал. 

Эки саатка чукул созулган толук метраждуу "Ата керээзи" тасмасы "Кыргызфильм" жана "Элфильм" студияларында тартылып, башкы ролдордо Ыйманберди Мукул, Марат Алышпаев, Тынара Абдразаева, Бакыт Мукул жана башкалар ойногон.

Сценарийге ылайык, Америкада жашап жаткан Азат аттуу бала атасынын керээзи менен анын сөөгүн Кыргызстанга алып келет. Карыздарынан кутулуп, туугандары, достору менен жолугуп, жергиликтүү окуялардын күбөсү болот. Улам барган сайын Ата Журттун топурагы кымбат экенин сезип, Америкага кетер-кетпесин билбей арсар ойго батат.

Картинанын дүйнөлүк премьерасы 31-августта Канаданын Монреаль шаарында өткөн кинофестивалга катышып, баш байге — "Алтын зенитке" ээ болгон.

Тема:
"Атанын керээзи" — өмүр, өлүм жана туулган жер жөнүндөгү тасма (24)

Тема боюнча

Атанын жеген тамагы кыздардын эмчек рагын шартташы ыктымал
"Ата керээзи" тасмасы Оскар сыйлыгынын узун тизмесине кирди
Белгилер:
виза, "Ата керээзи" тасмасы, Оскар, Кыргызфильм, АКШ

ЭҢ МААНИЛҮҮ