Андан соң милиция кызматкерлери мас же мас эместиги боюнча атайын тесттен өтүп, нытайжада милиционерлер соо экени тастыкталган.
Кайгуул милициясынын кызматкери Жалалидин Бейшенбаев окуя көз ирмемде болгонун айтып берди.
"Үй-бүлөлүк чырды басуу үчүн шашып бара жатканбыз. Анан эле жаш кыз эч бир белгиге карабастан чуркап чыга калды. Айдоочу ыкчамдык менен рулду солго бурганда арыкка түшүп калдык", — деди Бейшенбаев.
Жабырлануучу кыздын апасы Насыйкат Жүндүбаева кырсыкка жогорку ылдамдыкта бара жаткан милиция кызматкерлери күнөлүү деп эсептейт.
"Кызым жөө жүргүнчүлөр өтө турган жерден өткөн. Ал өтүп бара жатканда эч кандай унаа болгон эмес. Эмне милиция кызматкерлери чалууга бара жатып каалаганын сүзө берсе болобу?" — деди Жүндүбаева.
Ал кызы ооруканага жатканын, абалы жакшыргандан кийин арыз жазуу боюнча ойлонорун кошумчалады.
