Мелис Турганбаевдин дүйнө чемпионатындагы беттеши интернетке чыкты

© SputnikКРдин мурдагы ички иштер министри Мелис Турганбаевдин беттеш учурунда
КРдин мурдагы ички иштер министри Мелис Турганбаевдин беттеш учурунда - Sputnik Кыргызстан
Жазылуу
Ардагерлер арасындагы күрөш боюнча Дүйнөлүк чемпионат 7-9-октябрь аралыгында Польшада өттү. Мамлекеттин намысын үч спортчу коргоду. Алардын экөө медаль менен кайтышты.

БИШКЕК, 10-окт. — Sputnik. Бириккен күрөш дүйнөсүнүн YouTube каналындагы расмий баракчасына коло медалдын ээси, КРдин мурдагы ички иштер министри Мелис Турганбаевдин беттешти жарыяланды. 

КРдин Спорттук күрөш федерациясынын вице-президенти Мелис Турганбаев мамлекеттин намысын Польшада өткөн дүйнө чемпионатында коргоп, коло медалга татыктуу болду. Ал 51-55 курактагы ардагерлер арасындагы 76 килограммга чейинки салмактык категорияда күрөшкө чыккан. 

Чейрек финалда Турганбаев килемге түркиялык Зафер Койан менен чыгып, аны 4:2 эсебинде утуп алган

Ал эми жарым финалда япониялык атаандашынан 1:2 эсебинде утулуп, бирок коло медаль алуу мүмкүнчүлүгүнө ээ болгон. 

Чечүүчү кармашта экс-министр польшалык Сильвестр Петро Сзыманскийге каршы чыгып, беттешүү 11:0 эсебиндеги жеңиш менен аяктады.

Турганбаевден сырткары 97 килограмм салмактык категориядагы ардагерлер арасындагы беттеште Чынарбек Изабеков алтын медалга ээ болду

Дүйнөлүк чемпионатка Кыргызстандын атынан жалпы үч спортчу катышкан.

Жаңылыктар түрмөгү
0