БИШКЕК, 15-авг. — Sputnik. Грек-рим күрөшү боюнча кыргызстандык балбан Жанарбек Кенжеев (85 кг. салмакка чейин) Рио-де-Жанейродогу Олимпиада оюндарында коло медаль алуу мүмкүнчүлүгүнөн ажыратылды.
Буга чейин ал 1/16 финалда немис балбаны Денис Кудлага 0:3 эсебинде жеңилип калган. Эгерде немис спортчусу финалга чыкса, Кенжееевдин коло медаль үчүн күрөшүүгө мүмкүнчүлүгү жаралмак. Бирок, жарым финалда россиялык Давит Чакветадзе Кудланы 4:0 эсебинде утуп алды.
Ошентип, далай чыр-чатак, убара менен 2016-жылдагы Олимпиадага барган балбан Жанарбек Кенжеев куру кол кайта турган болду.
