Учактын кулашын иликтеген комиссия кырсык тууралуу кенен маалымат берди

© Фото / пресс-служба МЧС КРСбор и вывоз обломков на месте крушения Boeing 747 в селе Дача СУ
Сбор и вывоз обломков на месте крушения Boeing 747 в селе Дача СУ - Sputnik Кыргызстан
Жазылуу
Кыйраган учакты иликтеген комиссиянын төрагасы толук жыйынтык жарым жылдан кийин гана белгилүү болорун айтты.

БИШКЕК, 24-янв. — Sputnik. Дача айылына кулап түшкөн учакты иликтеген комиссия кырсык болгон жерде иликтөө иштерин аяктады. Бул тууралуу Мамлекеттер аралык авиациялык (МАК) комитеттин төрагасы Леонид Каширский маалымат жыйында билдирди.

16-январда Дача айылына жүк ташуучу Boeing-747 учагы кулап түшүп, 39 кишинин өмүрү кыйылган.

Каширскийдин айтымында, кырсык болгон жерден алынган бардык элементтер эксперттер тарабынан изилденип жатат.

"Кара ящик МАКтын Москвадагы борбордук офисине жөнөтүлдү. Учактагы бардык жүк Стамбулга салынган. Кырсык эмнеден улам болушу мүмкүндүгү боюнча бардык божомолдор каралууда. Учактын бардык тетиктери иштеп жаткан. Конуу учурунда эмне болгону азыр иликтенүүдө", — деди ал.

Кырсык эмнеден улам келип чыкканын иликтөө үчүн жарым жылдай керектеле турганын Каширский кошумчалады.

Кыргызстан учак кырсыгын иликтөө боюнча бардык укуктарды МАКка өткөрүп берген. Ал ошондой эле учак Бишкектен май куйбаганда Түркияга учуп жете албарын баса белгиледи.

"Учактын экипаждары "Манас" аэропортунан алмашышы керектиги жөнүндө маалымат бизде жок", — деди Каширский.

Андан сырткары учактагы жүктүн баасы канча экенин комиссия билбей турганын айтты.

Жаңылыктар түрмөгү
0