Дача айылынын беш баласы учактын майына ууланып ооруканага түштү

© Sputnik / Табылды КадырбековМедицинская сестра осматривает больного
Медицинская сестра осматривает больного - Sputnik Кыргызстан
Жазылуу
Акыркы маалыматтар боюнча учак 86 тонналык жүгү менен кулап түшкөн.

БИШКЕК, 23-Янв. — Sputnik. №3 балдар клиникалык ооруканасына Дача айылынан келген беш бала жаткырылды. Бул тууралуу Саламаттык сактоо министрлиги билдирди.

Эскерте кетсек, 16-январь күнү эртең менен Гонкогдон Стамбулду көздөй келе жаткан Boeing-747 учагы Дача айылына кулап, кырсыктан 39 кишинин өмүрү кыйылган.

Маалыматка ылайык, ооруканага жаткырылган балдар учактын күйүүчү майына ууланган.

"Учурда балдар дарыгерлер тарабынан каралып жатат. Жаткырылган балдардын аты-жөнү кийинчерээк маалым болот", — деп жазылат билдирүүдө.

Буга чейин балдар ооруканасында авиакырсыктан жабыр тарткан алты бала дарыланып жаткан. Дарыгерлердин айтымында, алардын абалы дурусташып калган.

Дача айылындагы жашоо турмуш тууралуу Sputink Кыргызстан агенттиги даярдаган материлдан окуп, көрүңүз>>

Жаңылыктар түрмөгү
0