БИШКЕК, 16-янв. — Sputnik. "Манас" аэропортунун жанындагы учактын кыйрашынан улам каза болгондордун жакындары Республикалык соттук-медициналык экспертизанын бюросунун алдына чогулушту. Алар кырсыктан көз жумгандардын сөөктөрүн таанышы керек. Бул тууралуу Sputnik Кыргызстан агенттигинин кабарчысы жеринен билдирди.
Эске салсак, эртең менен Гонконг — Стамбул каттамы менен учкан MyCargo Airlines авиакомпаниясына таандык Boeing-747-400F учагы саат 7.30дар чамасында "Манас" аэропортуна жакын жердеги Дача-Суу айылына кулап түшкөн. Анын кесепетинен отуздан ашык киши каза болуп, 20дан ашык үй бузулган.
"Энелер жер кучактап боздоп жатышат. Айлана ыйга толуп кетти. Аларга ыктыярчылар колунан келишинче жардам көрсөтүүдө. Өлүкканага 35 адамдын сөөгү жана 40тан ашуун адам калдыктары алып келинди", — деп айтылат маалыматта.
Милиция абалды көзөмөлгө алып, жарандар моргго киргизилген жок. Алар сүрөттүн жардам ы менен туугандарын таанышы керек.
Учактын кыйрашына байланыштуу бардык маалыматтардын топтомун бул жактан окуңуздар>>
