БИШКЕК, 23-ноя. — Sputnik. Токмоктогу бардык социалдык объектилерге жана аскер шаарчасына жылуулук берилгенин өкмөттүн Чүй облусундагы ыйгарымдуу өкүлчүлүгүнүн маалымат кызматы билдирди.
Буга чейин шаардагы балдар үйү жана башка социалдык объектилер 40 миллион сом карызынан улам жылуулук берилбей жатканы айтылган. Бул маселе Жогорку Кеңеште да көтөрүлгөн.
Өкмөттүн Чүй облусундагы ыйгарымдуу өкүлчүлүгү билдиргендей, "Газпром Кыргызстан" ЖЧКсы менен "Токмокжылуулук" муниципалдык ишканасынын казан мештерине жаратылыш газын берүү боюнча келишимге жетишилди. Муниципалдык ишкана бардык социалдык объектилерге жылуулук берди.
Өкүлчүлүктүн берген маалыматына ылайык карыздын көлөмү 44 миллион сомду түзөт.
