Атамбаев Дональд Трампты АКШ президенти болушу менен куттуктады

© REUTERS / Mike Segar Выборы президента США
Выборы президента США - Sputnik Кыргызстан
Жазылуу
8-ноябрда болгон президенттик шайлоодо Республика партиясынын өкүлү Дональд Трамп атаандашы демократ Хиллари Клинтонду жеңип алган.

БИШКЕК, 9-ноя. — Sputnik. Президент Алмазбек Атамбаев Дональд Трампты Америка Кошмо Штаттарынын президенти кызматына шайланышы менен куттуктаганын өлкө башчынын маалымат кызматы билдирди.

Дональд Трамп избран президентом США - Sputnik Кыргызстан
Дональд Трамп президент болду. АКШдагы кыргыз мигранттар эмне болот?
Белгилей кетсек, 8-ноябрда болгон президенттик шайлоодо Республика партиясынын өкүлү Дональд Трамп атаандашы демократ Хиллари Клинтонду жеңип алган.

Президент өз куттуктоосунда Кыргызстан менен АКШнын ортосундагы дипломатиялык мамилелерге 25 жылдан ашканын айтып, мындан ары да кызматташтык өнүгөөрүнө ишеним арткан.

"Сиздин жогорку мамлекеттик кызматта иштегениңиз кыргыз-америкалык ар тараптуу кызматташтыкты, анын ичинде демократиялык өнүгүү чөйрөсүндө да кызматташтыкты кеңейтип, азыркы кездин глобалдуу чакырыктарына жана коркунучтарына биргелешип каршы турууга өбөлгө болоруна ишенем", — деп белгиленет куттуктоо телеграммада.

Мамлекет башчысы Дональд Трампка бакубатчылык, бекем ден соолук жана мамлекеттик ишмердигине ийгиликтерди каалады.

Жаңылыктар түрмөгү
0