Азиз Мурадиллаевдин дарылануусуна депутаттар бир күндүк маянасын бөлдү

© Sputnik / Жоомарт УраимовИнтервью с киноактером Азизом Мурадиллаевым
Интервью с киноактером Азизом Мурадиллаевым - Sputnik Кыргызстан
Жазылуу
Теле алып баруучу Ассоль Молдокматова актердун боорун алмаштыруу үчүн дагы төрт миң доллар жетпей жатканын Facebook баракчасына жазды.

БИШКЕК, 27-окт. — Sputnik. Актер Азиз Мурадиллаевдин дарылануусуна Жогорку Кеңештин депутаттары каражат которгонун Sputnik Кыргызстан агенттигине парламенттин маалымат кызматынын жетекчиси Ибраим Нуракун уулу билдирди. 

Анын айтымына караганда 120 депутаттын бир күндүк маянасы атайын эсепке которулуп берилген. 

Ал эми белгилүү теле алып баруучу Ассоль Молдокматова Facebook тармагындагы баракчасына Жогорку Кеңеш тарабынан актерго жардам көрсөтүлгөнүн жар салды.

"Бүгүн Жогорку Кеңештин депутаттары 231 миң 840 сом которду. Кечээ өкмөттүн аппараты 100 миң сом бөлдү. Эми дагы төрт миң доллар чогултуу керек. Бир айдан кийин Азиздин боору алмаштырылат", — деп жазды Молдокматова. 

Эскерте кетсек, Азиз Мурадиллаев боор илдетине кабылып ооруканага жаткырылган. Алгачкы операция Москва шаарында жасалып, ийгиликтүү өткөн.

Жаңылыктар түрмөгү
0