Баласынын көзүнчө энесин зордуктады делген таксист 20 жылга кесилиши мүмкүн

© Sputnik / Табылды Кадырбеков / Медиабанкка өтүүЭшикти бекитип жаткан абак кызматкеринин архивдик сүрөтү
Эшикти бекитип жаткан абак кызматкеринин архивдик сүрөтү - Sputnik Кыргызстан
Жазылуу
Жайында Чүйдүн 33 жаштагы тургуну зордукталганы тууралуу арыз менен милицияга кайрылган. Анда жабырлануучу баласы экөөнү Балыкчыдан Бишкекке алып бараткан таксист тоо жакка айдап, аялды уулунун көзүнчө зордуктаганын айтат.

БИШКЕК, 26-сен. — Sputnik. Беш жашар баласынын көзүнчө энесинин зордукталышы боюнча кылмыш иши оор берененин негизинде каралып жатканын Ысык-Көл ОИИБ билдирди.

Абакатгы адам. Архив - Sputnik Кыргызстан
Адвокат: баласынын көзүнчө энесин зордуктады деген таксисттин депутат тууганы бар
Эскерте кетсек, 29-июль күнү Чүйдөгү Восток айылынын тургуну зордукталганы тууралуу арыз менен милиция кызматкерлерине кайрылган. 33 жаштагы аял баласы экөөнү Балыкчыдан Бишкекке алып келе жаткан айдоочу бир маалда тоо тарапка буруп, аны беш жаштагы баласынын көзүнчө зордуктаганын билдирген. 

Таксист ошол эле күнү кармалган. Сот аны убактылуу кармоочу жайга камакка алуу чечимин чыгарган. Тергөөнүн жүрүшүндө жабыркаган аял менен анын баласына комплекстүү соттук-психиатриялык экспертиза дайындалган.

"Натыйжада шектүү жарандын айыбын 129-берененин 2-бөлүгүнүн 4-пункту "жабырлануучуга оор залака келтирип зордуктоо" боюнча каралып жатат. Мында күнөөлүү деп табылган адам 15 жылдан 20 жылга чейин эркинен ажыратылышы мүмкүн", — деп айтылат билдирүүдө.

Ал эми Балыкчынын айыпталып жаткан 30 жаштагы тургуну зордуктоо фактысын четке кагып, жыныстык катнаш аялдын макулдугу менен болгонун белгилейт. Соттук-психиатриялык экспертиза анын акыл-эси ордунда экенин далилдеди.

"Бул айрым маалымат каражаттарында айыпталуучунун оорусу тууралуу маалыматтарды четке кагат. Шектүү жаран буга чейин кылмыш жоопкерчилигине тартылган эмес", — деп айтылат билдирүүдө.

Тоң районунун ИИБсинде тергөөдөн өткөн иш соттун кароосуна жөнөтүлдү.

Жаңылыктар түрмөгү
0