БИШКЕК, 29-авг. — Sputnik. Москвадагы өрттөн каза болгон 14 жарандын сөөгү бүгүн кечке маал Кыргызстанга келет. Бул тууралуу өкмөттүн маалымат кызматы билдирди.
Кырсыкка байланыштуу өкмөт атайын штаб түзүп, вице-премьер Гүлмира Кудайбердиева баштаган жумушчу топ кечээ Москвага учуп кеткен. Ал жерден Россиянын Өзгөчө кырдаалдар министрлигинин өкүлдөрү менен жолугуп, маркумдардын сөөгүн алып кетүү боюнча бардык тийиштүү документтер аягына чыкты.
Президент Алмазбек Атамбаевдин тапшырмасы менен бөлүнгөн атайын учак бүгүн, 29-август күнү түштөн кийин Москва — Ош — Бишкек каттамы менен сөөктөрдү жана каза болгондордун тууган-туушкандарын алып келет.
Белгилейт кетсек, маркумдарды Кыргызстанга алып келүү жана жерге берүү зыйнатынын бардык чыгымдарын өкмөт көтөрөт.
