БИШКЕК, 26-июн.— Sputnik. Эртең, 27-июнда өлкө боюнча жаан-чачын боло турганын Кыргызгидромет билдирди.
Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши күтүлөт.
Бишкекте күн күркүрөп жаан жаайт. Абанын температурасы түнкүсүн 19…21 градус, күндүз 25…27 градус жылуу болот.
Ал эми Ош шаарында түнкүсүн жаан-чачын күтүлбөйт. Күндүз күн күркүрөп, жамгыр жаайт. Шамалдын багыты өзгөрүлүп турат. Абанын температурасы түнкүсүн 20…22 градус, күндүз 28…30 градуска чейин жогорулайт.
27-28-июнда күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн.
