Жип жана мыктан жасалган Айтматовдун портрети 88 миң сомго бааланууда

© Фото / Азамат ЖаналиевЖип жана мыктан жасалган Чыңгыз Айтматовдун портрети
Жип жана мыктан жасалган Чыңгыз Айтматовдун портрети - Sputnik Кыргызстан
Жазылуу
Бул сумма узундугу 2,5 метр, туурасы 1,25 метрди түзгөн портреттин баштапкы баасы.

БИШКЕК, 15-июн. — Sputnik. Улуу жазуучу Чыңгыз Айтматовдун чоң портретин жип жана мык менен жасап чыккан коомдук активист Азамат Жаналиев аны аукциондон сатууну пландап жатат. Өз эмгегинин алгачкы баасын ал 88 миң сом деп баалаганын Sputnik Кыргызстан агенттигине билдирди.

Жаналиев Айтматовдун портретин үч жумада бүтүргөн. Ал эмнеге өз эмгегин аукциондо 88 миң сомдон баштап сатууну пландаганын мындайча түшүндүрдү.

"Быйыл улуу жазуучу көзү тирүү болгондо 88 жашка чыкмак. Ошондуктан анын баштапкы баасын 88 миң сом деп бааладым", — дейт активист.

Ал ошондой эле аукционго катышууну каалагандар өз арыздары менен 21-июнга чейин кайрылса болорун айтып, дал ушул күнү эң көп каражат сунуштаган тарап жеңүүчү болорун кошумчалады.

Өжөр студенттер 13,5 миң мыктан жана 20 чакырым жиптен желек жасашты
Анын айтымында, портреттин узундугу 2,5 метр, туурасы 1,25 метрди түзөт. Сүрөттү даярдоого болжол менен 3-4 килограмм мык кеткен. Ал эми жипти керек болгон көлөмдө колдонуп, канча кеткенин так эсептебегенин айтты.

2016-жылы март айында Мамлекеттик желектин күнүнө карата студенттер мык жана жиптен Кыргызстандын желегин жасашкан. Аны даярдоого 13 миңдей мык жана 20 чакырымдай жип кеткен. String art ыкмасы менен жасалган желек аукциондо 75 миң сомго сатылып, ал акча балдар үйлөрүнүн бирин оңдоого жумшалган.

Жаңылыктар түрмөгү
0