БИШКЕК, 24-май — Sputnik. Казакстандын маданият жана спорт министри Арыстанбек Мухамедиулы Астанада калың эл алдында сүйлөп жатып, Чыңгыз Айтматовдун чыгармачылыгы туурасында айтып, анан эле кыргыз мигранттары темасына өтүп кеткен.
Анын "Москва жана бир катар шаарларды коомдук ажатканаларды биздин кошуналар болгон жаш эле кыздар тазалап жүргөнүн көрүп" боору ооруп кетерин айтып, Кыргызстандын келечеги жөнүндө ой-жорумун да айтып жиберген.
Социалдык тармактарда казакстандыктар өлкөсүнүн маданият министринин мындай айткандарын ар кандай кабыл алышып, өздөрүнүн пикирлерин жазып жатышат.
Атырау облусунун аймактык ишкерлердин палатасынын маалымат катчысы бул чиновник казактарды кыргыздардын алдында жер каратты деп жазды. "Арыстанбек Мухамедиулынын бул пенделик жеке пикири экендигин кыргызстандыктар түшүнөөрүнө ниет кыларын" билдирген.
Бир катарлары министр кыргызстандыктардан эл алдында кечирим сурашы керектигин айтышкан
Ал эми бир даары өлкөдөгү мамлекеттик кызматкерлерин маданияттуулугуна маданият министри арык чаап берип жаткан турбайбы деп шакаба иретинде жазышкан
Булат Исай эки мамлекеттин салыштырбаш керектигин, кыргыздар чет жакта жүрүп, "адал эмгек, маңдай тер" төгүп акча таап жүргөнүн айтышкан
Казакстандыктардын министрдин мындай айтканынан төбө чачы тик туруптур
Маданият министри "кантип тез эле маскарапоз боло аларын көрсөттү" деп жазды
Соцтармактын колдонуучусу "Asia Mix" КВН командасынын оюнчусу Эльдияр Кененсаровди эстеди…
"Бул биздин министр эмес, тагыраагы маданият боюнча министрибиз эмес" деген постторду окууга болот
Социалдык тармактын колдонуучулары "мындай "маданияттуу" министрлерди ооздуктай тургандар табылат бекен" деген суроо салды
Казак министрине жооп бергендер да болду
