БИШКЕК, 12-май — Sputnik. "Элдик парламенттин" мүчөлөрү Бекболот Талгарбековду УКМК кармап кеткенин анын санаалаштары билдирди.
Алдын ала маалыматка ылайык, элдик парламенттин мүчөлөрү бийликти күч менен басып алууга аракет кылган деп шектелүүдө.
Азырынча бул маалыматтын чын-төгүнүн Улуттук коопсуздук боюнча мамлекеттик комитети тастыктай элек.
Ал эми учурда Талгарбековдун жакын кишиси Касымалы Кадыралиев аны УКМК кызматкерлери бир саат мурун кармап кетишкенин белгиледи.
"Учурда Талгарбековдун үйүн УКМК кызматкерлери тинтип жатат. Бизди киргизген жок", — деди ал.
Белгилек кетсек, буга чейин ушундай эле шек менен оппозиция өкүлдөрү Бектур Асанов, Кубанычбек Кадыров, Эрнест Карыпбеков жана Дастан Сарыгулов (үй камагында) кармалган. Сот аларды 12-июлга чейин камакта калтыруу чечимин кабыл алган.
