БИШКЕК, 2-дек. — Sputnik. Теолог Кадыр Маликовго кол салууга шектелип, Түркиядан кармалган эки жаранды Кыргызстанга алып келүү боюнча аракеттер жүрүүдө. Бул тууралуу Sputnik агенттигине ИИМдин маалымат катчысы Бакыт Сейитов билдирди.
Ал эми шектүүлөргө эл аралык издөө жарыяланып, алар Түркиянын Газиантеп аймагынан кармалган.
Сейитовдун айтымында, кармалган кыргызстандык жарандар боюнча керектүү материалдар Интерпол менен Башкы прокуратурага жиберилген.
"Биздин беш кызматкер түркиялык кесиптештери менен тийиштүү иштерди жүргүзүп жатат. Түркиянын укук коргоо органдары кандай чечим кабыл алат аны так айта албайбыз. Балким биздин балдарга кошуп берет же, мыйзамдуу түрдө экстрадициялайт", — деди ал.
Кадыр Маликов ага болгон кол салуунун артында "Ислам мамлекети" (ДАИШ) террордук тобунун өкүлдөрү турганын билдирген.
