БИШКЕК, 30-ноя. — Sputnik. Белгилүү режиссер 89 жашында каза болгонун РИА Новости маалымдады.
"Ал дүйнөдөн кайтты", — деди небереси Дмитрий Трояновский.
2015-жылдын август айында ал Бакулев ооруканасына жаткан. Анын жүрөгү кармап, инфаркт болгону маалымдалган, бирок, жакындары буларды жокко чыгарган. Сентябрь, октябрь айында ал пландык дарылоодон өткөн. 21-ноябрда Рязанов кайтадан Москвадагы клиникалардын бирине жатканы маалымдалган.
Эльдар Рязанов бир гана режиссер эле болбостон сценарист, актер, теле алып баруучу, жазуучу, акын, драматург жана продюсер болгон.
Анын "Старики-разбойники", "Невероятные приключения итальянцев в России", "Ирония судьбы, или с легким паром", "Служебный роман", "Вокзал для двоих", "Гараж" жана башка кинолору менен элге таанымал.
