БИШКЕК, 7-окт. — Sputnik. Алмазбек Атамбаев Россиянын башчысы Владимир Путинди туулган күнү менен куттуктаганын президенттин маалымат кызматы билдирди.
Владимир Путин 1952-жылы 7-октябрда туулган. Быйыл ал 63 жашка чыкты.
Атамбаевдин куттуктоо телеграммасында Россиянын жандуу жана көп кырдуу өнүгүүсү, эл аралык кадырынын өсүшү Владимир Путиндин иш-аракеттерине байланыштуу экени айтылат.
"Сиздин эмгегиңиз, лидерлик сапаттарыңыз жана жөндөмүңүз Россия элинин мындан аркы өнүгүүсүн шарттайт", — деп айтылат куттуктоодо.
Президенттин айтымында, Кыргызстандын эли жана жетекчилиги Россия тарыхый жактан жакын, боордош өлкө экенин жакшы түшүнөт.
"Сиздин жеке катышууңуздун аркасында кыргыз-россиялык мамилелер стратегиялык өнөктөштүктүн жаңы деңгээлине чыкты", — дейт Атамбаев.
Атамбаев Путинге бекем ден соолук, бакыт жана жаңы ийгиликтерди каалады.
