БИШКЕК, 4-окт — Sputnik. Борбордук шайлоо комиссиясы саат кечки ондо Жогорку Кеңешке болгон шайлоонун алдын ала алынган кезектеги жыйынтыгын чыгарды.
Буга чейин КСДП, " Республика — Ата-Журт", "Кыргызстан", "Өнүгүү — Прогресс", "Бир Бол" жана "Ата Мекен" партиялары жети пайыздык босогодон өткөн.
Жаңыланган маалыматка караганда, КСДП — 27,45 пайыз, "Республика — Ата-Журт" — 20,13, "Кыргызстан" — 12, 81, "Өнүгүү — Прогресс" — 9,3, "Бир Бол" 8,44 жана "Ата Мекен" — 7,74 пайыз шайлоочулардын ишинимине ээ болгон.
Алдын ала алынган жыйынтык менен бөлүшө келгенде мандаттар төмөнкүчө бөлүштүрүлүшү мүмкүн:
- КСДП — 38 мандат;
- "Республики — Ата-Журт" — 28;
- "Кыргызстан" — 18;
- "Өнүгүү — Прогресс" — 13;
- "Бир Бол" — 12;
- "Ата Мекен" — 11.
2015-жылдын 4-октябрында өткөн кезектеги парламенттик шайлоодо Кыргызстандын тарыхында биринчи жолу биометрикалык маалыматтар колдонулду. Өзүнүн жеке маалыматтарын тапшырган респубилканын 2 миллион 671 миң 297 жараны шайлоого катышууга укук алган.
