УКМК: согушчандар Бишкекте бир нече теракт жасоону пландаган

© Sputnik / Табылды КадырбековУКМК: согушчандар Бишкекте бир нече теракт жасоону пландаган. Архив
УКМК: согушчандар Бишкекте бир нече теракт жасоону пландаган. Архив - Sputnik Кыргызстан
Жазылуу
УКМКнын активдүү катаал аракеттери Кыргызстандын элинин коопсуздугун сактоого багытталганын УКМКнын маалымат катчысы Рахат Сулайманов билдирди.

БИШКЕК, 16-июль — Sputnik. Жок кылынган согушчандар Бишкекте бир нече террордук жардырууларды пландаганын УКМКнын маалымат катчысы Рахат Сулайманов Sputnik сайтына билдирди.

Бейшемби күнү кечинде Улуттук коопсуздук боюнча мамлекеттик комитеттин атайын даярдыктагы бөлүмү эл аралык террордук топтун согушчандарын кармоо боюнча операция өткөрдү. Жалпысынан жүргүзүлгөн эки операциянын жыйынтыгында алты согушчан жок кылынды.

"УКМКнын активдүү катаал аракеттери Кыргызстандын элинин коопсуздугун сактоого багытталган. Күч түзүмдөрүнүн кызматкерлери Эски аянтта боло турчу айт намазын тынч өткөрүү боюнча коопсуздукту камсыз кылат",— деди УКМКнын маалымат катчысы Рахат Сулайманов.

Бейшемби күнү түшкө маал ГЭС-5 аймагында биринчи атайын операция жүргүзүлүп, эки согушчан жок кылынганын Сулайманов кошумчалады.

Ал эми кечке маал Бишкек шаарында эл аралык террордук уюмдун согушчандарын кармоо боюнча экинчи операция болгон.

"Горький жана Темиров көчөлөрүнүн кесилишиндеги үйдө төрт экстремист өлтүрүлдү", — деди УКМКнын маалымат катчысы.

Атайын операция учурунда УКМКнын төрт кызматкери түрдүү деңгээлдеги жаракаттарды алышкан. Алар Бишкек шаарындагы ооруканаларга жеткирилген. Карапайым калк арасында жаракат алгандар болгон жок. Окуя болгон жердеги бир канча үйдө өрт чыккан болчу.

Жаңылыктар түрмөгү
0