БИШКЕК, 16-июль — Sputnik. Жаракат алган күч түзүмүнүн кызматкерлеринин абалы дурус экенин Бишкек шаардык тез жардам кызматынын ага дарыгери билдирди.
Анын айтымында, окуя болгон жерге тез жардам кызматынын эки машинасы келген.
"Жаракат алган атайын кызматтын бир өкүлү №4 шаардык клиникалык ооруканага жеткирилген. Анын санына ок тийип, оорукананын травматология бөлүмүнө жаткырылган. Үч киши Улуттук госпиталга жеткирилген. Алардын барына ок тийген", — деди дарыгер.
Күч түзүмүнүн өкүлдөрү согушчандар жашында делген үйдү алуу үчүн атайын операция жүргүзүп, анын жыйынтыгында 4 согушчан жок кылынып, УКМКнын 4 өкүлү жаракат алган.
Окуя болгон жерге өрт өчүргүчтөр да келип, чыккан өрттү өчүрүшүүдө.
