БИШКЕК, 19-янв — Sputnik. Алмазбек Атамбаевдин буйругуна ылайык, Мамлекеттик чек ара кызматынын №2021 аскер бөлүгүнүн "Айкөл" чек ара заставасында кызматтык милдеттерин аткарууда курман болгон жана жабыр тарткан аскер кызматчыларына материалдык жардам көрсөтүү үчүн президенттин социалдык коргоо жана колдоо фондунан каражат бөлүндү.
Маалыматка ыдайык, өлкө башчысынын буйругуна ылайык, курман болгон улук лейтенант Тынчтык Исмаиловдун үй-бүлөсүнө 100 000 (жүз миң) сом, ал эми жарат алган чек арачыга — 50 000 (элүү миң) сомдон бөлүндү.
Үстүбүздөгү жылдын 16-январында болжол менен саат 22:50дө белгисиз адамдар Лейлек районун чек ара тобунун карамагындагы "Айкөл" чек ара засатавасына куралдуу кол салган. Анын кесепетинен улук лейтенант Тынчтык Исмаилов каза болуп, эки жоокер жаракат алган.
