Кадыржан Батыров деген ким?

© Sputnik / Андрей Стенин / Медиабанкка өтүүКыргыз бийлиги тарабынан "улуттар ортосунда от жаккан, сепаратисттик аракеттерди жасаган" деп күнөөлөнүп эл аралык издөөгө алынган Кадыржан Батыровдун архивдик сүрөтү
Кыргыз бийлиги тарабынан улуттар ортосунда от жаккан, сепаратисттик аракеттерди жасаган деп күнөөлөнүп эл аралык издөөгө алынган Кадыржан Батыровдун архивдик сүрөтү - Sputnik Кыргызстан
Жазылуу
Кадыржан Батыров — кыргыз бийлиги тарабынан "улуттар ортосунда от жаккан, сепаратисттик аракеттерди жасаган" деп күнөөлөнүп эл аралык издөөгө алынган адам. Мындан эки күн мурда качып-бозуп жүргөн анын эл аралык абройлуу уюмда Кыргызстан жана андагы демократия туурасында сүйлөгөнү кыргыз коомчулугун удургутту.

Алгач лидер болучу… Кадыржан Батыров 60 жашта, Жалал-Абад шаарында туулган. Республикалык өзбек улуттук-маданий борборунун вице-президенти жана Жалал-Абад облусундагы Өзбек улуттук-маданий борборунун жетекчиси болгон. Андан сырткары, Жалал-Абад шаарындагы Элдердин достугу университетинин түзүүчүсү катары айтылып келген. 

Кадыржан Батыровдун архивдик сүрөтү - Sputnik Кыргызстан
Депутаттар Батыровдун ЕККУдан сүйлөгөнүн териштирүүнү талап кылып жатышат
Кандуу калабаны уюштурган. Кыргызстандын башкы прокуратурасы 2010-жылдын 1-сентябрында Батыровго Ош коогалаңы боюнча улуттар ортосунда от жагып, сепаратисттик аракеттерди жасаган деген факты менен ачылган кылмыш ишин сотко өткөргөн. 

Өкүм. Батыровду 2011-жылдын ноябрь айында Жалал-Абаддык шаардык сот эркинен ажыраткан чечим чыгарган. Аны менен кошо Ином Абдурасуловду да өмүр бою абакка кесип, үй мүлкүн конфискациялоого өкүм кылган. 

Украинага жолдонгон кат. Кыргызстандын Башкы прокуратурасы Украинада баш паанек кылып жүргөн Батыровду өлкөгө кайтаруу боюнча кат жөнөткөн. Ага чейин Интерполдун Кыргызстандагы бюросу издөө салынган Батыровдун Киев шаарында жашап жаткандыгын кабарлаган. 

Эркинен эки жолу ажыратылган. Тополоң боюнча Ош шаардык соту 2014-жылыноябрда Батыровду аталган кандуу калабаны уюштурган деп тапкан. 

"Мекенге кайтам". Анткен менен сыртта жүргөн Батыров бир катар жалпыга маалымдоо каражаттарына берген маегинде алды-кийин Кыргызстанга кайтып келерин билдирген. Акыркы маалыматтарда Швециядан баш паанек алгандыгы айтылып келет. 

Фемида айкели. Архив - Sputnik Кыргызстан
Атамбаев Азимжан Аскаровдун соту жылдап созулушу мүмкүндүгүн айтты
Мамлекеттик кызматкер эле… Кадыржан Батыров "Республиканын 2-класстагы мамлекеттик кеңешчиси" болгон. Кыргызстандын мыйзам чыгаруучу бутагында отуруп, ЖКнын депутаттыгына шайланган. Кыргызстандагы эң бай адамдардын катарына кирген. 

Ким качырган? Жакында эле президент Алмазбек Атамбаев Убактылуу өкмөттүн 2010-жылы сепаратисттердин лидери Кадыржан Батыровдун өлкөдөн чыгып кетишине тиешелүүлүгүн текшере турган жумушчу топ түзүүнү Башкы прокуратурага тапшырды. 

Койго арачы болуп… 2016-жылдын 20-сентябрь күнү Батыров Европа коопсуздук жана кызматташуу уюмунун демократиялык институттар жана адам укуктары бюросунда сүйлөгөн. Ал Кыргызстанда Баш мыйзамдын өзгөрүшүнө каршы болуп, анын өлкөдөн чыгып кетиши тууралуу жаңы кылмыш иши козголушуна нааразы болгонун айткан. Андан сырткары Ош окуяларында адам өлүмүнө себепкер болду деп өмүр бою эркинин ажыратылып, абактар отурган Азимжан Аскаровго макул эместигин айтып, буркан-шаркан түшкөн. 

Жогорку Кеңеш менен ТИМ үн катты. Буга удаа эле ЖКнын депутаттары Кадыржан Батыровдун Европа коопсуздук жана кызматташуу уюмунда сүйлөгөнү боюнча териштирүү демилгесин көтөрүштү. Ал эми өлкөнүн тышкы саясат боюнча ведомствосу анын мындай маанайда сүйлөгөндүгүн кескин сынга алды. 

Жаңылыктар түрмөгү
0