БИШКЕК, 6-окт. — Sputnik. КР өкмөтүнүн Жалал-Абад облусундагы ыйгарымдуу өкүлү болуп Кыянбек Сатыбалдиев дайындалды. Тийиштүү буйрукка премьер-министр Сооронбай Жээнбеков кол койгонун өкмөттүн маалымат кызматы билдирди.
Сатыбалдиев КСДП фракциясынан 6-чакырылыштагы Жогорку Кеңешке депутат болуп келген.
Эскертсек, облустун буга чейинки жетекчиси Жумагүл Эгамбердиева Жергиликтүү өз алдынча башкаруу иштери жана этностор аралык мамиле боюнча мамлекеттик агенттиктин жетекчиси болуп дайындалгандыктан бул орун бош калган.
