БИШКЕК, 30-сен. — Sputnik. Коомдук активист Рита Карасартова Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетинин Конституцияны өзгөртүү тууралуу референдум өткөрүү боюнча мыйзам долбоору тууралуу кабыл алган чечимин жокко чыгаруу үчүн сотко арыз жазды. Бул тууралуу Sputnik Кыргызстан агенттигине активист өзү билдирди.
29 Аяк оона 2016, 13:53
Анын айтымында, ЖКнын тармактык комитети чечим кабыл алып жатканда Конституцияны өзгөртүү тууралуу референдум өткөрүү үчүн алгач Конституциялык палатынан корутундусун, тиешелүү экспертизалардын чечимин эске алган эмес.
Карасартова мындан сырткары, добуш берүү учурунда мыйзам бузуулар болгон деген пикирде.
Аталган арыз Бишкек шаардык райондор аралык сотко жазылды.
Эске сала кетсек, ЖКнын тармактык комитети аталган мыйзамды карап, маселе парламентке чыккан. Референдум өткөрүү үчүн 94 депутат добуш берип, демилге биринчи окууда жактырылган.
