БИШКЕК, 29-сен. — Sputnik. Конституцияны өзгөртүү боюнча референдум өткөрүү мыйзам долбоору биринчи окууда жактырылды.
Эске сала кетсек, КСДП, "Республика — Ата-Журат", "Өнүгүү-Прогресс" жана "Кыргызстан" фракциялары референдум жолу менен Конституцияны өзгөртүү демилгесин көтөргөн. Аталган сунушту президент колдоо алганы менен Убактылуу өкмөт мүчөлөрү Өмүрбек Текебаев, Роза Отунбаевалар каршы чыгышкан. Ошондон улам өлкөдөгү саясий кырдаал күч алып кеткен.
Мыйзам долбооруна 94 депутат макул деген добуш берсе, 11 эл өкүлү каршы пикирин билдирди.
Белгилей кетсек, аталган мыйзам долбооруна ылайык, Конституцияны өзгөртүү боюнча референдумду 4-декабрь күнү өткөрүү сунушталууда.
