БИШКЕК, 17-июл. — Sputnik. Россиянын президенти Владимир Путин Түркиянын өлкө башчысы Тайип Эрдоган менен телефон аркылуу сүйлөшүүсүндө мамлекетти басып алууга болгон аракет учурунда каза болгон кишилерден улам көңүл айтты. Бул тууралуу Кремлдин маалымат кызматы билдирди.
Телефондук сүйлөшүү Россия тараптын демилгеси менен ишемби күнү болгон. Путин ошондой эле Түркиядагы россиялык туристтердин коопсуздугун түрк бийлиги камсыз кылат деп ишене турганын айткан.
Белгилей кетсек, 16-июлдун түнүдө Түркия өлкө бийлигин басып алууга аракеттер болгонун жарыялаган. Өз кезегинде Түркиянын аскерлери бийлик алардын колуна өткөнүн жар салышкан. Ишемби күнү эртең менен аскерлер колго түшүп берип баштаган. Түрк бийлиги козголоңчулардын аракети ишке ашпай калганын билдиришкен. Түркиянын укук коргоо органдары тарабынан 3 миңден ашык киши камакка алынган, алардын арасында генералдар жана башка жогорку кызмат адамдары дагы бар. Өлкөнүн бийлигин басып алууга болгон аракеттин кесепетинен акыркы маалыматтар боюнча 265 киши каза болгонун билдирди. Алардын ичинен 104тү козголоңчулар.
