Сариев Орус-кыргыз өнүктүрүү фондунун жамаатына Кулматовду тааныштырды

© Sputnik / Табылды КадырбековФонд башкармалыгынын төрагасы Кубанычбек Кулматов. Архив
Фонд башкармалыгынын төрагасы Кубанычбек Кулматов. Архив - Sputnik Кыргызстан
Жазылуу
Экс-мэр Кубанычбек Кулматов фондду жетектөөгө 14-март күнү дайындалган. Премьер-министр жаңы төраганы фонддун эмгек жамаатына бүгүн тааныштырды.

БИШКЕК, 16-мар — Sputnik. Орус-кыргыз өнүктүрүү фонду кыска убакыттын ичинде натыйжалуу жыйынтык көрсөтүшү керек экенин премьер-министр Темир Сариев фонд башкармалыгынын төрагасы Кубанычбек Кулматов менен орун басары Эркин Асрандиевди жамаатка тааныштыруу учурунда билдирди.

Ислам университетин 16 жыл башкарган Абдышүкүр Нарматов кызматтан кетти
Сариев Орус-кыргыз өнүктүрүү фондунун мурдагы жетекчилиги кыска мөөнөттүн ичинде уюштуруу иштерин жолго койгонуна карабастан, өлкө жетекчилиги, коомчулук жана бизнес чөйрө тарабынан бир катар сындар айтылганын кошумчалады.

Буга байланыштуу премьер-министр жаңы жетекчилик мурда кетирилген кемчиликтерди тез аранын ичинде жоюп, иштин натыйжалуулугун көрсөтүшү керектигин билдирди. Ал фонддун негизги милдети Кыргызстандын экономикасын Евразия экономикалык биримдигинин шартына адаптациялоо экенин белгиледи. 

"Фонддун каражаты өнөр жайды колдоого, жаңы жумушчу орундарды түзүүгө жумшалышы керек. Кыргызстандын ЕАЭБге кошулуусунан жарандар көп нерсе күтөт. Аларды ишке ашыруу үчүн фонд өз ишин натыйжалуу аткарышы керек. Сиздердин ар бир кадамыңар коомчулуктун жана өлкө жетекчилигинин көзөмөлүндө", — деди Сариев.

Премьер-министр Орус-кыргыз өнүктүрүү фондуна коммерциялык банктар тараптан ыңгайлуу шарттардагы насыяларды берүүнү, аймактарда ипотекалык негизде берилчү көп кабаттуу үйлөрдү курууну тездетүү тапшырмасын берди.

Жаңылыктар түрмөгү
0