"Манас" аэропортунда жалган бомба боюнча маалымат берди делген кишини кармашты

Жазылуу
Аэропортко ИИМдин ыкчам-иликтөө тобу, УКМК кызматкерлери жана саперлор тартылган.

БИШКЕК, 31-окт. — Sputnik. "Манас" аэропортундагы бомба тууралуу жалган маалымат менен телефон чалган адам кармалды. Бул боюнча Sputnik Кыргызстан агенттигине УКМКнын маалымат кызматынан кабарлашты.

"Манас" аэропортундагы учактагы жалган бомба тууралуу телефон аркылуу билдирген киши аныкталып, ким экендиги такталды. Калган маалыматтар эртең белгилүү болот", — деп билдиришти УКМКдан.

СМС жазып жаткан адамдын архивдик суроту - Sputnik Кыргызстан
ЖМК: мас күйөөсү аялы учуп кетет деген ой менен аэропортто бомба бар деп билдирген
Милицияга бомба тууралуу билдирүү саат 16.10до келип түшкөн. Аэропортко ИИМдин ыкчам-иликтөө тобу, УКМК кызматкерлери жана саперлор тартылган. Бомба коюлду деген маалыматтан кийин "Манас" аэропортунан жамаат менен жүргүнчүлөр эвакуацияланган.

Бир нече убакыттан кийин Ички иштер министрлиги "Манас" аэропортундагы бомба тууралуу маалымат жалган болуп чыкканын билдирген.

Жаңылыктар түрмөгү
0