НТС каналынын оператору жол кырсыгынан каза болду

Жазылуу
Шейшемби күнү болгон жол кырсыгынан оператор мүрт кеткен.

БИШКЕК, 30-дек. — Sputnik. НТС телекомпаниясынын оператору Жоомарт Асанбеков видеосюжет тартып жатып филармониянын жанында болгон жол кырсыгынан каза болду. Бул тууралуу Жол кайгуул кызматы билдирди.

Тамда тартылган жол кырсыгы. Архив - Sputnik Кыргызстан
Бишкек шаарынын эң кандуу көчөлөрү
Кырсык шейшемби күнү болжол менен 22.10до Чүй проспектисинде болгон. Камерасы менен жолдун ортосунда турган операторду "Мерседес-Бенц" үлгүсүндөгү унаа коюп кеткен. Дарыгерлердин айтымында, Асанбеков ошол эле жерден жан берген. Айдоочу из жашырып кетүүгө аракет кылган эмес.

НТС телекомпаниясы окуяга түшүндүрмө берүүдөн баш тартты.

Sputnik Кыргызстан Эл аралык агенттиги жана радиосу оператор Жоомарт Асанбековдун жакындарына жана туугандарына көңүл айтат. Жаткан жери жайлуу, топурагы торко болсун.

Жаңылыктар түрмөгү
0