Таш-Көмүрдө милиция эшиктерди тээп ачып, уктап жаткан элди аман алып калды

© Sputnik / Табылды КадырбековМилиция кызматкеринин баш кийими. Архив
Милиция кызматкеринин баш кийими. Архив - Sputnik Кыргызстан
Жазылуу
Өрт жашоочулар уктап жатканда чыккандыктан, милиция алардын эшиктерин каккылап ойготуп сыртка чыгарган.

БИШКЕК, 21-дек. — Sputnik. Таш-Көмүр шаарында 21-декабрга караган түнү барак тибиндеги үйдө өрт чыгып, онго жакын үй-бүлө талаада калды.

Таш-Көмүр шаарынын мэриясынан билдиришкендей, учурда өрт өчүрүлүп, келтирилген чыгымдар такталууда.

Таш-Көмүр ШИИБдин маалыматына ылайык, милиция кызматкерлери жашоочулардын эшиктерин тээп ачып ойготуп, аларды сыртка алып чыгып куткарышкан. 

"Учурда күйүп кеткен үйдө жашоого мүмкүн эмес. Үйдүн дубалдары гана калды. Көпчүлүгүнүн эмерек-кечеси күйүп кеткен", — деп милициядан билдиришти.

Жергиликтүү тургундардын маалыматына ылайык, өрт өчүргүчтөрдүн даярдыгы начар болгон. Эгер алардын шаймандары жайында болгондо өрттү өчүрүп калууга болмок экенин билдиришти.

Учурда келтирилген чыгымдар такталып, баш-паанексиз калгандарга чара көрүлүп жатат.

Жаңылыктар түрмөгү
0